Cordial Beinvegni

Nus havein plascher d'astgar beneventar tei sin nossa pagina d'internet. Cheu anflas ti las informaziuns davart il tscheiver a Mustér.

Engraziel fetg

Il tscheiver ei vargaus. Restar restan las bialas regurdientschas e quellas dat ei cheu en fuorma da fotos. L'Uniun da tscheiver engrazia a tuts participonts dil til grondamein per quella grondiusa lavur prestada! Engraziar, engraziein nus era tut quellas e quels che han sustegniu nus.


La SIBLA 2018 ei cumparida

Gia per la 33avla gada cumpara la gasetta da tscheiver da Mustér e contuorn. Da cumprar dat ei ella online: iTunes ni Google Play

Bien divertiment!


Program da tscheiver 2018

Il placat cul program da tscheiver ei stampaus e vegn proximamein pendius ora ella regiun. Tut las occurrenzas da tscheiver anfleis era cheu. L'Uniun da tscheiver selegra da veser vus ad ina u l'autra occurrenza.


Nus encurin persunas per la suprastonza

Alla radunonza generala dils 12 da matg 2017 eis ei buca reussiu d'occupar tut ils posts en suprastonza. Tgi che vul gidar da mantegner il bi usit da tscheiver a Mustér, astga bugen s'annunziar tier nies president Gionduri Maissen (president(@)tscheiver.ch). Nus savein duvrar mintga sustegn.


Til da tscheiver da Mustér

Ils 25 da fevrer 2017 allas 14.00 uras ei il 38avel til da tscheiver a Mustér. L'Uniun da tscheiver Mustér envida pign e grond, da lunsch e da manaivel da separticipar al til. Nus selegrein sin vossas annunzias. La gruppa sa vegnir annunziada cun quei formular.